(Mazahua) Jñartjo

D´aja chi´i ká mi kiji nrrareje, mi b´ u̷b´ u̷ nu jango ma jens´e, ma nrrempa me mi jmuru̷ yo mbøru̷, mi eñeji, ma ra jñanrraji a xoñiji, mi b´u̷b´u̷ k´o yeje ts´itr´i k´o mi d´aku̷ gamanu, ga ñejuq, me ma joo t´si b´itubi k´omi jebi, kjo mi ts´ingaxabi, ma ra tsaji k´a ra zatr´a̷bi a jmii mi tansoitro bi dyoi mi tebebi o d´omo otrjobi. D´aja paa kje mbøru̷ jojñanrrabi na yeje, nangua ma beneji mi otrjobi, jo  ngos´u̷bi nu tata k´o ue jnanrrabi ma nrremoa kjoi nrreje, nu tata jo xipjibi ká dya kja ro eñebi kja nu tr´oreje d´ange ro eje daja paa ro zidyibi, dyabo dya̷ra̷bi nrro bo me̷tr´jui noi yeje, danga eje dájoi nu paa k´a dya kja bo mbesé, k´a d´aja nudyojui, kja nu maa k´a d´aja jo ma xi pji nu tata, nu un tata ixo ma nuutrjo kja nu tr´oreje dya kja bo chøtr´u̷. nrrezek´u ko mbøru̷ dya kja bojmuruji kja nu nrreje pa xe ro eneji. Ja mama ga kjanu yo jñatro